Azərbaycan banklarının xalis xarici aktivləri artıb

Bu ilin mayın 1-nə Azərbaycan banklarının xalis xarici aktivləri 29 milyard 522,5 milyon manat təşkil edib.

Ajans.az xəbər verir ki, bu barədə Azərbaycan Mərkəzi Bankı (AMB) məlumat yayıb.

Bu, aylıq müqayisədə 3,5 %, ilin əvvəli ilə müqayisədə 14,2 %, 2025-ci ilin mayın 1-nə nisbətən isə 2,1 % çoxdur.

Hesabat tarixinə bankların xalis daxili aktivləri 20 milyard 645,6 milyon manat təşkil edib ki, bu da aylıq müqayisədə 3,8 %, ilin əvvəli ilə müqayisədə 14 % az, ötən il mayın 1-nə nisbətən isə 12,9 % çoxdur.

Azərbaycanda ümumi aktivləri 57 milyard 355,8 milyon manat olan 22 bank fəaliyyət göstərir.