Kadırovun oğluna “Çeçenistan Respublikasının Qəhrəmanı” adı verilib

Ajans.az xəbər verir ki, bu barədə TASS agentliyi Çeçenistan hökumətinin sədri Maqomed Daudova istinadən məlumat yayıb.

Məlumata görə, mükafat ona region rəhbəri Ramzan Kadırov tərəfindən təqdim edilib.

Daudov bildirib ki, bu təltif Adam Kadırovun “vətənpərvərliyi, məsuliyyəti və dövlətə sədaqətinin” qiymətləndirilməsi kimi təqdim olunur. Onun sözlərinə görə, gənc Kadırov “öz fəaliyyəti ilə Vətənə xidmət prinsiplərinə sadiqliyini nümayiş etdirir”.

Qeyd olunub ki, mükafat Çeçenistan rəhbərinin fərmanı ilə dövlətə xidmət, xalqa dəstək və Rusiya Günü münasibətilə verilib.