Minifutbol üzrə millimiz ikiqat Avropa çempionu oldu
Minifutbol üzrə Azərbaycan millisi Slovakiyada keçirilən Avropa çempionatında final oyununa çıxıb.
Ajans.az xəbər verir ki, komandamız Ukrayna seçməsi ilə üz-üzə gəlib.
Qarşılaşma "Tipos Arena"da, Bakı vaxtı ilə saat 22:30-da start götürüb.
Millimiz oyuna qolla başlayıb. Mirmehdi Rzayevin qoluyla komandamız hesabda 1:0 önə keçib.
Görüşün son dəqiqələrində risk alan Ukrayna millisi qapıçını ön xətt oyunçusu ilə əvəzləyib. Boşluqdan istifadə edən mini futbolçularımız hesab arasındakı fərqi 2-yə çatdırıb. Oyunda başqa qol olmayıb: 2:0.
Bu nəticəylə minifutbol üzrə milli komandamız dünya çempionluğunun ardınca Avropa çempionluğunu da rəsmiləşdirib.
Digər Xəbərlər
