Baba Vəziroğlu: "Rasim Balayevin ölümü mənim şəxsi faciəmdir"

"Rasim Balayevin ölümü mənim şəxsi faciəmdir".

Ajans.az xəbər verir ki, bu sözləri tanınmış şair, Əməkdar incəsənət xadimi Baba Vəziroğlu Xalq artisti Rasim Balayevlə vida mərasimində Baku TV-yə açıqlaması zamanı deyib.

"Biz uzun illər dostluq etmişik, qardaş kimi olmuşuq, bir yerdə çalışmışıq, səfərlərə çıxmışıq. Həmişə işə gedəndə ilk onunla görüşərdim. Sabah iş başlayır, indi kiminlə görüşəcəyəm?!" - deyə o bildirib.

Şair mərhum sənətkarla son birgə səfərlərindən də danışıb.

Onun sözlərinə görə, sonuncu dəfə Rasim Balayevi böyük təkidlə Laçına aparıb:

"Getmək istəmirdi, son zamanlar çox pessimist idi. Amma Laçına çatanda tamam dəyişdi, yenə deyib-gülən, hamını güldürən Rasim oldu".