ABŞ onları qəbul etmədi, Dünya Kuboku oyununu Meksikadan İZLƏDİLƏR

İranın Dünya Kuboku nümayəndə heyətinin bir qismi ABŞ-ə giriş vizası ala bilmədiyi üçün komandanın Yeni Zelandiya ilə açılış oyununu Meksikanın Tixuana şəhərində izləyib.

Ajans.az xəbər verir ki, İran Futbol Federasiyasının 11 nümayəndəsinə, o cümlədən 2018 və 2022-ci illərdə komandanın meneceri olmuş Mehdi Məhəmməd Nəbiyə əvvəlcə ABŞ vizası verilməyib. Lakin sonradan onlardan dördünün müraciəti təsdiqlənib.

Vizası təsdiqlənməyən nümayəndə heyəti İranın Meksikadakı səfirinin də iştirakı ilə Tixuanada yerli icma ilə birlikdə toplaşaraq Los-Ancelesdə keçirilən qarşılaşmanı izləyib.

Matç zamanı İran millisi iki dəfə hesabda geri düşsə də, mübarizə apararaq görüşü 2:2 hesablı heç-heçə ilə başa vurub.