Acun Ilıcalı Ərdoğana hədiyyə verdi

İngiltərənin "Hall Siti" klubunun sahibi Acun Ilıcalı Türkiyə Prezidenti Rəcəb Tayyib Ərdoğanla görüşüb.

Ajans.az xəbər verir ki, türkiyəli iş adamı bu barədə "X" sosial şəbəkəsindəki hesabında paylaşım edib.

"Dövlət başçımız Rəcəb Tayyib Ərdoğan sıx iş qrafikinə baxmayaraq, məni Prezident Sarayında qəbul etdi. Hörmətli Prezidentimizə "Hall Siti" klubu ilə İngiltərə Premyer Liqasına yüksəlmək yolunda gördüyümüz işlər barədə ətraflı məlumat vermək imkanı qazandım. Göstərdiyi diqqət və maraq məni qürurlandırdı və xoşbəxt etdi", - deyə Acun Ilıcalı bildirib.