Paşinyan: Sülh olacaq, müharibə yox

“Ermənistan hökuməti sülh gündəliyini ardıcıl şəkildə həyata keçirdiyi müddətcə müharibə olmayacaq”.

Ajans.az xəbər verir ki, bunu Ermənistan Baş naziri Nikol Paşinyan jurnalistlərə deyib.

Baş nazir seçki kampaniyası zamanı “Vətəndaş Müqaviləsi” Partiyasının parlamentdə konstitusion çoxluğa malik olmadığı təqdirdə sentyabrda fəlakətli müharibənin baş verə biləcəyi barədə verdiyi açıqlamaya istinadla bildirib:

“Sülh gündəliyini ardıcıl olaraq davam etdirəcəyimiz və bütün mümkün vasitələrlə ona xidmət edəcəyimiz üçün müharibə olmayacaq, sülh olacaq”.