Pakistan XİN-dən ABŞ-İran danışıqları ilə bağlı AÇIQLAMA

ABŞ və İran arasında münaqişənin nizamlanması üzrə danışıqlarda mühüm irəliləyiş əldə olunub.

Ajans.az xəbər verir ki, bu bardədə Pakistanın xarici işlər naziri İshaq Dar sosial şəbəkə hesabında paylaşım edib.

O, ABŞ Prezidenti Donald Trampın liderliyini, həmçinin Vaşinqtonun dialoq və diplomatiyaya sadiqliyini yüksək qiymətləndirdiklərini qeyd edib.

Pakistanlı nazir ABŞ-nin vitse-prezidenti Cey Di Vensə, dövlət katibi Marko Rubioya və Amerika nümayəndə heyətinin digər üzvlərinə də təşəkkür edib. Onun sözlərinə görə, ABŞ tərəfinin davamlı iştirakı hazırkı danışıqlarda əhəmiyyətli irəliləyişin əldə olunmasına kömək edib.

İshaq Dar eyni zamanda İran rəhbərliyinin fikir ayrılıqlarını sülh yolu ilə həll etmək istəyini də yüksək qiymətləndirib.