Paşinyan partiya liderini MƏHKƏMƏYƏ VERDİ

Ermənistanın Baş naziri Nikol Paşinyan “Güclü Ermənistan” Partiyasının lideri Samvel Karapetyana qarşı məhkəmə iddiası qaldırdığını bildirib.

Ajans.az xəbər verir ki, bu barədə o, 14 mayda jurnalistlərlə söhbəti zamanı açıqlama verib.

Paşinyanın sözlərinə görə, iddia Karapetyanın onun haqqında səsləndirdiyi ittihamlarla bağlıdır.

"O, bu açıqlamanı verəndə və jurnalistlər ona mənim reaksiyamı çatdıranda dərhal bunun 100% olduğunu dedi. İndi isə Ermənistanda siyasətə qarışmaq istəyir və özünü güclü adlandırır?", – deyə Paşinyan bildirib.

Baş nazir həmçinin Ermənistan parlamentində təmsilçilik uğrunda mübarizədə bəzi siyasi blokların maneəni keçmək şansının zəiflədiyini iddia edib.