Türkiyədə məktəb yaxınlığında silah səsləri eşidildi

Türkiyənin Adana şəhərində orta məktəb yaxınlığında eşidilən silah səsləri çaxnaşmaya səbəb olub.

Ajans.az bu barədə İHA-ya istinadən xəbər verir.

İddiaya görə, Seyhan rayonunun mərkəzindəki Gürselpaşa məhəlləsində yerləşən Yavuz Səlim adına orta məktəbin ətrafında silah səsləri eşidilib. Şagirdlər qorxu içində məktəbi tərk ediblər, valideynlər məktəbə gəliblər. Hadisə yerinə polis qrupları göndərilib, silah səsləri ilə bağlı araşdırmalara başlanılıb

Xatırladaq ki, bu yaxınlarda Şanlıurfa və Kahramanmaraşda silahlı insident ölən və yaralıların olması ilə nəticələnmişdi.