İsrail Livandan üç şəhəri boşaltmağı tələb etdi

Livanın cənubunda yerləşən Əl-Əbbasiyə, Tura və Bədiyasın merləri İsrail ordusundan sərhədyanı şəhərlərin boşaldılması tələbinə dair mesaj alıblar.

Ajans.az xəbər verir ki, bu barədə İsrailin dövlət mediası məlumat yayıb.

Xatırladaq ki, İranın ABŞ ilə danışıqlar üçün irəli sürdüyü şərtlərdən biri İsrailin Livana hücumu dayandırması ilə bağlı idi. Amma İsrail bunu rədd edib. ABŞ isə bu məsələnin müvəqqəti atəşkəs razılaşmasına daxil olmadığını açıqlayıb.

İsrail Hərbi Hava Qüvvələri bu gün səhər saatlarında Livanın cənubunda “Hizbullah” terror təşkilatının mövqelərinə hava zərbələri endirib.