Nyu-York meri: İran müharibəsinə qarşı çıxmaq LAZIMDIR

Dünən Nyu-York şəhərinin müsəlman meri Zöhran Mamdani ABŞ və İsrailin İrana qarşı hərbi əməliyyatlarına kəskin etirazını bildirib.

Ajans.az Tasnim News-a istinadən xəbər verir ki, Mamdani siyasi analitik Brayan Tayler Koenə verdiyi müsahibədə vurğulayıb ki, bu müharibəyə yalnız prosedur baxımından deyil, həm də mənəvi və siyasi cəhətdən etiraz edilməlidir. 

Merin sözlərinə görə, müharibə ölkədə və şəhərdə həyatı asanlaşdıracaq digər sahələrə ayrılacaq maliyyəni istifadə edir, ancaq buna baxmayaraq insanlar bu real vəziyyətə göz yumurlar.

Mamdani ABŞ və İsrailin hücumlarını “qanunsuz təcavüz müharibəsinin fəlakətli eskalasiyası” kimi dəyərləndirib və bu addımların dayandırılmasına çağırış edib.