İranda hökumət əleyhinə iğtişaşlarda iştirak edən iki nəfər edam olunub

İranda "İran Xalq Mücahidləri Təşkilatı" ("Mücahid-e Xalq") terror qruplaşması ilə əlaqəli olan, hökumət əleyhinə iğtişaşlarda iştirak edən iki nəfər edam olunub.

Ajans.az xəbər verir ki, bu barədə "Tasnim" agentliyi məlumat verib.

Məlumata görə, təqsirləndirilən şəxslər Tehranda qumbaraatandan istifadə etməklə silahlı hücum da daxil olmaqla, terror aktlarının təşkilində təqsirli biliniblər. İstintaq və məhkəmə prosesləri başa çatdıqdan sonra hər ikisi edam cəzasına məhkum edilib. İran Ali Məhkəməsi hökmü təsdiqləyib və təqsirləndirilən şəxslər martın 30-da səhər edam ediliblər.