Azərbaycan və Çad iqtisadi əməkdaşlığı dəyərləndirilib

Azərbaycan və Çad arasında iqtisadi əməkdaşlıq potensialının reallaşdırılması imkanları nəzərdən keçirilib.

Ajans.az xəbər verir ki, bu barədə Azərbaycanın iqtisadiyyat naziri Mikayıl Cabbarov "X" hesabında paylaşım edib.

"İslam İnkişaf Bankı Qrupunun İllik Toplantıları çərçivəsində Çad Respublikasının dövlət naziri, maliyyə, büdcə, iqtisadiyyat, planlaşdırma və beynəlxalq əməkdaşlıq naziri Tahir Hamid Nguilin ilə görüşdük.

Ticarət, investisiya, enerji, rəqəmsallaşma və digər sahələrdə əməkdaşlıq potensialının reallaşdırılması imkanlarını vurğuladıq", - paylaşımda qeyd edilib.