Azərbaycan XİN Pakistana başsağlığı verdi

Azərbaycan Xarici İşlər Nazirliyi (XİN) Kvetta şəhərində qatarda törədilən terror aktı ilə əlaqədar Pakistana başsağlığı verib.

 Ajans.az xəbər verir ki, bu barədə XİN-in "X" hesabında paylaşım edilib.

“Pakistanın Kvetta şəhərində qatarı hədəf alan və günahsız insanların faciəvi şəkildə həlak olmasına və çox sayda insanın yaralanmasına səbəb olan dəhşətli terror hücumunu qətiyyətlə pisləyirik.

Həlak olanların ailələrinə dərin hüznlə başsağlığı verir və bu çətin dövrdə qardaş Pakistan xalqı və hökuməti ilə həmrəy olduğumuzu bildiririk", - paylaşımda qeyd olunub.

Bu cür terror aktlarına heç bir halda bəraət qazandırıla bilməz”, - XİN-dən bildirilib.