Süni intellekt haqqında film dünyanı ŞOKA SALDI

Ajans.az xəbər verir ki, Amazon MGM studiyası rejissor Luka Quadaqninonun “Süni” adlı yeni filminin buraxılış tarixini 2027-ci ilin əvvəlinə planlaşdırır. Film OpenAI və Silikon Vadisindəki texnoloji rəqabət və daxili prosesləri əhatə edir.

Məlumata görə, layihə son illərin ən çox gözlənilən texnoloji dramlarından biri hesab olunur və artıq “partlayıcı” və mübahisəli məzmunu ilə diqqət çəkir. Film real həyatda tanınmış texnologiya fiqurlarını da ekrana gətirir.

Bildirilib ki, Sam Altman obrazını Endryu Qarfild, Elon Musk obrazını isə Ayke Barinholtz canlandırır. Məlumata görə, hər iki personaj idealizə olunmuş şəkildə təqdim edilmir və daha tənqidi prizmadan göstərilir.

Layihədə həmçinin İlya Sutskever obrazına da yer verilib və onu aktyor Yuri Borisov canlandırır. Bu personajın hadisələrdə daha həssas və çətin vəziyyətdə qalan fiqur kimi təqdim olunduğu qeyd olunur.

Mənbələrə görə, film yalnız məşhur fiqurlara deyil, həm də daha az tanınan iştirakçılara fokuslanır və ümumilikdə texnologiya dünyasındakı güc mübarizəsini ön plana çıxarır.

Qeyd olunur ki, layihə hələ nümayişdən əvvəl ciddi maraq və müzakirələr doğurur. Ssenarinin son versiyasında dəyişikliklər edilib, lakin studiya hələlik rəsmi şərh verməyib.